Во ЖРК Вардар доаѓа тренер шампион?

Нов предводник на ЖРК Вардар треба да биде словенечки тренер. Станува збор за Тисељ Тоне, кој има 55 години и зад себе има богата тренерска работа. Тисељ во минатото предводел и машки и женски тимови. Тоне во моментов е тренер на унгарскиот тим Дебрецин. Во тренерската кариера овој тренер бил стратег и на: Машката и женската репрезентација на Словенија, потоа работел и како тренер на Црна Гора. На клупски план исто така има бројни достигнувања. Бил прв тренер на машките тимови на Целје и Горење, а во женскиот дел бил тренер на Крим (каде што освои неколку трофеи во првата словенска лига и ЛШ) бил и во црногорскиот великан Будуќност, потоа романскиот тим Баја Маре и  Колдинг од Данска.

Покрај ова богато тренерско искуство, Тоне може да се пофали во својата биографија и со големиот трофеј европски првак, со тимот на Крим во оние сјајни генерации на словенскиот тим во 2001 и 2003 година. Доколку дојде, Вардар ќе добие тренер со големо искуство, тренер кој бил шампион и тоа на два пати.