Три наши ракометарки ќе играат во 1/2 финалето на ЕП

Вчеравечер се одиграа последните натпревари од главната фаза на Европското првенство во Шведска. Очекувано, во полуфиналето се пласираа Холандија, Франција, Данска и Норвешка. Во 1/2 финалната рунда од нашиот тим ќе имаме три ракометарки, а тоа се: Лејно и Лакрабер со Франција, и Херем со репрезентацијата на Норвешка.

Во 1/2 финалето паровите се: Норвешка – Франција и Данска – Холандија. Ова значи дека во финалето со сигурност ќе имаме еден играч од нашите редови, бидејќи меѓусебе ќе се судрат Франција и Норвешка.

На последните натпревари од групната фаза, Франција ја совлада селекцијата на Србија со резултат 28-21. Во редовите на Франција, Лакрабер постигна два погодоци, додека пак Лејно и на овој натпревар беше помеѓу стативите. Норвешка пак, ја победи Чешка со 11 голови разлика, Одлична на овој натпревар беше Камила Херем. Нашиот играч на овој меч постигна пет погодоци.

Од вардарките во 1/2 финалето, Херем досега има постигнато 17 погодоци на ова ЕП, додека пак Лакрабер стрелец беше на 22 погодоци. Далеку напред на ова првенство е Неагу од Романија со 46 погодоци, додека пак на второто место е Јоргенсен од Данска со 35 постигнати погодоци.