Херем избрана во “Ол стар“ тимот на сезоната во ЛШ

Девојките денес пристигнаа во Будимпешта каде овој викенд ќе го одиграат четвртиот по ред завршен Ф-4 турнир во Лигата на европски шампионки. И оваа сезона четврта  по ред од нашиот црвено-црн женски ракометен колектив  има најмалку по една ракометарка што е во изборот на најдобрите седум во женската лига на шампионите. Годинава во иделаната постава односно Ол стар тимот се најде   левото крило  на црвено-црните, Камила Херем.

Таа доби  најмногу гласови од публиката, односно навивачите. Во изборот за иделниот тим вкупно шест ракометарки на Вардар беа во конкуренција: Амандин Лејно, Јованка Радичевиќ, Андреа Лекиќ, Андреа Пенезиќ, Камила Херем и Александра Лакрабер. Од Вардар  три ракометарки биле избирани во најдобрата постава на сезоната во ЛШ, а само Јованка Радичевиќ двапати го добивала ова индивидуално признание. Во сезоната 2013/2014 во Ол стар тимот тоа беа Јованка Радичевиќ и Ана Ѓокиќ, потоа во 2014/2015 во изборот беше Сираба Дембеле, а минатата сезона по вторпат меѓу најдобрите седум беше  Радичевиќ.