Вардарки го освоија првото издание на турнирот во организација на својот клуб. Во финалето беа подобри од екипата на Ростов Дон. На крајот беа доделени наградите за најуспешните екипи, како и за најдобар играч, голман и најдобар стрелец. Амандин Лејно ја понесе наградата за најдобар голман, ова признание го заслужи со одличниот настап на натреварот против Лајпциг. Тогаш забележа неверојатни 21 одбрана и беше најзаслужна за високиот триумф. На вчерашното финале го започна дуелот и имаше 4 успешни интервенции. Потоа на голот ја замени Суслина, која исто така имаше одлично издание.
Организаторот на играта на Ростов, Екатерина Илина е прогласена за најдобар играч на турнирот. Две ракометарки ја поделија наградата за најефикасен играч, тоа се Јауковиќ од Будуќност и Ланг од Лајпциг. За победата во финалето, нашиот шампион доби парична награда од 10.000 евра.