Vardar Fans
Младинската ракометна репрезентација на Македонија со висок пораз го стартуваше квалификацискиот турнир за пласман на СП во Унгарија. Избраничките на Јулијана Дамчевска во првото коло се поразени од домашната селекција на Исланд.
Само во првите пет минути, Македонија имаше предност кога резултатот беше 3:2, за Исланд да направи серија од 0:3 и да поведе со 3:5 во 10 минута од мечот. Противникот имаше и позитива од три гола (5:8), но нашите младинки во 16 минута се доближија на само еден гол негатива (7:8) и тоа беше се што успеаа да сторат на овој дуел. Следеше период кога шест минути не можевме да постигнеме гол, а противникот постигна четири голови во серија и зголеми на 7:12. Направивме многу грешки во нападот, додека и одбраната не беше на своето ниво. Како одминуваше првиот дел растеше предноста за домаќинот, кој поведе со 8:15 и оваа разлика ја одржуваа до истекот на првите 30 минути кога резултатот на семафорот гласеше 12:18.
Одигравме и лошо второ полувреме, кога Исланд по само десет минути игра имаше двоцифрена предност од 16:26, а предноста растеше и со резултат 16:29. До крајот на натпреварот постигнавме само три голови, што е премалку, за висок пораз на стартот од овој квалификациски турнир (19:35).
Леонида Гичевска од Вардар беше најдобар стрелец со 7 голови, додека уште една ракометарка од црвено-црните се запиша во листата на стрелци, тоа беше Милица Николиќ со 2 голиви. На голот солидна беше и Јована Мицевска. Денес на програмата е натпреварот од второто коло, против селекцијата на Германија.
