Thursday ,28 March 2024
Последни:
Home > ЖРК Вардар > Младинките на РК Вардар СЦЈС убедливо го победија Кузман
Младинките на РК Вардар СЦЈС убедливо го победија Кузман

Младинките на РК Вардар СЦЈС убедливо го победија Кузман

Младинките на ракометниот клуб Вардар очекувано забележаа победа во денешноот коло од младинската лига. Избраничките на Анжела Платон беа подобри од екипата на Кузман со резултат 17:31. Овој натпревар се одигра на Кале.

Уште од самиот старт се одлепивме со водство од 0:3. Екипата на Кузман успева да постигне два последователни голови и да намали на 2:3. Сепак од тие моменти следи неверојатна серија на Вардар од 0:9 за прва двоцифрена предност од 2:12. До крајот на првото полувреме, противникот успева да воспостави некаква резултатска рамнотежа и да намали на 7:14.

 Вардарки и вториот дел го отвараат со погодок, Кузман успева да намали на шест гола негатива 9:15, но повторно следи серија на црвено-црните од пет последователни голови за убедливи 9:20. Како одминуваше натпреварот нашиот состав константно го зголемуваше водството за во еден момент да има предност од 10:23. Противникот во следните пет минути прави серија од 1:4 и го смалува резултатот на 14:24. Сепак во последните 15 минути, Вардар успева да постигне повеќе голови од Кузман, на две минути пред крај имаа високи 15:30.

Анастасија Нелоска и Сашка Филипоска постигнаа по 6 гола, додека Бојана Диневска беше стрелец на 5 погодоци.

Вардар СЦЈС: Стамова, Нелоска 6, Мицевска, Кицевска, Карчева 2, Трпевска, Георгиевска 4, Диневска 5, Станикевска, Блажевска, Тодоровска 4, Реџеп 2, Костадиновска, Цветковска 1, Филипоска 6, Ивановска.