Vardar Fans
Кадетките на ЖРК Вардар СЦЈС не запираат со победите во својата група 2 од кадетската лига, откако славеа и на гостувањето против екипата на Преспа од Ресен. Избраничките на Анжела Платон и Александра Кузмановска триумфираа со резултат 17:38.
Стартот навести каков тек ќе има овој натпревар, откако нашите кадетки поведоа со 1:9, давајќи му на знаење на домашниот тим дека бодовите ќе заминат за Скопје. Единствено што успеа да направи Кичево е да го израмни резултатот на 1:1. По тој гол следи наша голема серија од осум последователни голови. Набргу стигнавме и до двоцифена предност, кога резултатот на семафорот гласеше 3:13. До крајот на првото полувреме го зголемувавме водството и постигнавме повеќе голови, за на полувреме да имаме убедливи 6:20.
Вториот дел започна со три наши голови, за веќе Вардар да има убедливи 6:23. Преспа се обидуваше да ја намали негативата, а највеќе што им успеа е до 8:24. Сепак разликата во квалитет беше очигледен на страната на Вардарки кои постигнуваа лесни голови во брзи контра-напади. Повторно имаме високо водство од 12:31, а последните десет минути беа само рутина за нашиот состав кој се повеќе ја зголемуваше разликата во своја корист. На крајот конечениот резултат гласеше 17:38
Ивана Блажевска го предводеше Вардар до нов тримф со 7 постигнати голови, додека 6 гола беа дело на Марија Танчева. Ова беше седма последователна победа за кадетките на Вардар СЦЈС во групата.
Вардар СЦЈС: Бабунска, Ивановска 5, Паланковска 2, Танчева 6, Нелоска 3, Мицевска, Атанасова 3, Трпевска 5, Митровска 1, Стојчевска 4, Трајкова 1, Диневска 2, Сандева, Блажевска 3, Трајкова 2.
