ЖРК Вардар ќе се изнаигра сезонава, Супер лигата доби нови пет тима

ЖРК Вардар ќе се изнаигра во Супер лигата бидејќи во  новата сезона во Женската лига ќе има неколку нови екипи. Така лигата ќе се зголеми речиси за 50% оваа година.

Како што донесува сајтот “24-ракомет“ досега   новите пријавени клубови се Ѓорче Петров ЖРК, Алушовски, Кале Скопје, Чаир и Илинден Кузман Вардар. Сепак, постои веројатност за уште екипи со оглед на тоа што и Аеродром најавуваше настап во Женската лига за следната сезона така што лигата би можела да има барем 16 тимови што ќе значи и 30 кола до добивањето на новиот шампион.

Овие пет тимови се приклучуваат во лигата каде што од лани остануваат Металург, Куманово, Вардар, Пелистер, Стружанка, Деспина, Гевгелија, Спартак, Цемс и Овче Поле СУ.