Vardar Fans
Екипата на Митјиланд со две последователни победи во првенството на Данска, ќе допатува во Скопје, во рамките на реванш натпреварот од четвртфиналето во Лигата на Шампионите.
Митјиланд стигна и до вториот последователен триумф во националното првенство и повторно издвојуван на теренот на противникот, овој пат совладана беше екипата на Силкеборг. Слично како и на минатиот дуел со Есбјерг, така и овој против Силкеборг, лошо го започна тимот на Митјиланд, кој по пет минути игра имаше негатива од 4:1. За момент, гостинскиот тим намали на 4:2, но следеше серија на Силкеборг кој постигна четири последователни голови и зголеми на највисоки 8:2. Сепак следеше период кога Митјиланд направи целосен резултатски пресврт и тоа со голема серија од 1:12, успеваат не само да ја превземат предноста, туку и да стигнат до четири гола позитива (9:13). До крајот на првиот дел само растеше нивната предност и по истекот на првите 30 минути, резултатот гласеше 11:17.
Во второто полувреме гледавме мал број на голови, а Митјиланд имаше постојано предност и контрола на резултатот. Во моментите кога Силкеборг намали на 15:20 и кога се мислеше дека домаќинот може да се врати во игра, Митјиланд направи нова серија од 0:4 и зголеми на 15:24. До крајот се чуваа силите за дуелот со Вардар, за конечниот резултат да гласи 21:27.
За разлика од минатиот натпревар, за овој дуел во составот се вратија Кристиансен која постигна седум голови, додека Бургард беше стрелец на три погодоци.
