Денес селекторот на женската ракометна сениорска репрезентација на Македонија, воедно и тренер на Вардар СЦЈС, Симе Симовски го објави списокот на ракометарки кои се повикани за стартот на подготовките за квалификацискиот турнир за пласман на СП 2017. На список има 25 ракометарки, кој подоцна ќе биде скратен за квалификациите против Фарските острови, Исланд и Австрија. На списокот фигурираат 11 имиња на црвено-црните девојки, 10 девојки од Вардар СЦЈС и едно име од првиот тим, Сара Ристовска од ЖРК Вардар.
Според планот првиот собир на репрезентацијата ќе се одржи овој понеделник, 21 ноември во СЦ „Јане Сандански“ во Скопје. Истиот ќе биде со почеток од 9-30 часот. Девојките на 2,3 и 4 декември ќе играат во Фарски Острови поточно во градот Торшавн. На турнирот ќе играме ние, домаќинот и Исланд и Австрија.