Вардар го напаѓа Будуќност за четврта последователна победа во меѓусебните дуели

Вардарки се во потрага по нова победа во лигата на шампионите, која за нив ќе биде осма последователна во најголемото ракометно натпреварување. Денес во С.Ц. Јане Сандански ќе ни гостува екипата на Будуќност со почеток од 17:30 часот. Нашиот состав ќе се обиде исто така да стигне до четвртиот последователен триумф во дуелите со шампионот на Црна Гора. Моментално на табелата црвено-црните се првопласирани со два бода повеќе од вториот, екипата на ФТЦ Будимпешта и дури пет повеќе од денешниот противник кој се обидува да ја пронајде вистинската игра. Екипата од Подгорица во минатото коло беше непријатно изненадена на домашен терен од тимот на ФТЦ будимпешта, а во првото коло од главната рунда доживеа пораз и од Вардар. Секако најдобар стрелец е репрезентативката на Романија, Кристина Неагу која има постигнато 46 голови во лигата на шампионите. На првиот меч одигран во Подгорица како што напоменавме , избраничките на Дејвис славеа триумф со резултат 28:31. На денешниот натпревар Будуќност ќе биде ослабен за неиграњето на неколку ракометарки. Вардар ќе биде со само еден класичен пикер, откако поради повреда нема да настапи Андреа Човиќ за која сезоната може да е веќе завршена.

Вардарки се во подобра форма од противникот и со голема поддршка од трибините се надеваме дека ќе стигне до нова победа во ЛШ и ќе биде чекор поблиску до освојување на првото место во групата.