Висока победа на ЖРК Вардар на отворањето на „Винко Кандија”

На турнирот „Винко Кандија” во Љубљана, девојките на ЖРК Вардар отворија со убедлив триумф над екипата на Хипо од Австрија. Нашите девојки овој натпревар го добија со резултат 36-23. Вардарки иако на овој натпревар, и воопшто на овој турнир, ќе настапат ослабени, сепак, се големи фаворити за освојување на овој турнир.

Вардар уште од самиот старт покажа доминација на теренот, а највеќе на теренот се истакнала новото наше крило, словенката Тамара Мавсар со девет постигнати погодоци. Исто така и Дамњановиќ и Хмирова одиграа одличен натпревар. Утре нашите ракометарки силите ќе ги одмерат со два тима. Најпрвин ќе одиграме со Подравка а потоа и со Крим во вечерните часови.