Осум ракометарки од Вардар дел од репрезентацијата на спортската академија, на првиот регионален турнир во Подгорица

Од утре па се до петок во Подгорица ќе се одигра првиот турнир во регионалната женска лига, на кој ќе настапат екипите на Вардар, Будуќност и Крим. Поради откажувањето на Подравка, лигата оваа сезона ќе ја сочинуваат само три екипи, а натпреварите ќе им бидат подготовка за она главното што ги очекува во лигата на шампионите. Новитет оваа сезона беше на сите турнири да се натпреваруваат и младинските екипи на овие три клуба, но на првиот турнир во Подгорица наместо младинските на Вардар ќе настапи Спорстката академија на Македонија, која ја сочинуваат ракометарки на Вардар и Металург, со исклучок на една девојка која доаѓа од екипата на Куманово.

Од ракометниот клуб Вардар, репрезентацијата на спортската академија на турнирот во Подгорица ќе ја претставуваат: Андреа Илиќ, Јована Мицевска Слободанка Кицеска, Сашка Филипоска, Ива Божиноска, Леонида Гичевска, Милица Николиќ и Ања Велкова.