Vardar Fans
Попладнево во спортскиот центар “Кале“ во Скопје се сретнаа младинките на Вардар и екипата на ЖРК Металург. Во дуел со повозрасните противнички од Автокоманда избраничките на Платон и Кузмановска забележаа пораз со 38-22.
Гостинките со два последователни гола го отворија дуелот и поведоа со 0-2, ние вративме во продолжение и намаливме на 1-2. Следеа минути во кој доминираа сино-белите тие со серија 1-7 се одлепија на високи 2-9 во 10.минута. Нашите девојки најдоа сила и се издигаа од “безната“ и со серија 3-0 намалија на 5-9 до 14.минута од натпреварот со што фатија резултатски приклучок во овој дуел. Cепак повторно на сцена стапија девојките од ЖРК Металург тие направија голема серија 0-7 со која поведоа со 5-15 во 22.минута од овој младински натпревар. Сепак нашите девојки не се предадоа и нападнаа во продолжение. со серија 3-0 намаливме на 8-15 во 27.минута од натпреварот. Голем имплус во офанзива кај нас носеше храбрата игра на Ива Цветковска, која беспоштедно се бореше со повозрасните и покорпулентните одбранбени играчи. На одмор се замина со резултат 9-18 во корист на противникот на овој дуел.
Први со гол вторите 30.минути ги започнаа црвено-црните девојки кои намалија на 10-18. По пет минути игра на семафорот стоеше 11-21 во корис на противникот. Тие од минута во минута ја зголемуваа предноста, точно на средината на вториот дел, во 45.минута водеа со 12-29 на овој натпревар. Со два брзи гола успеавме во продолжение да намалиме на 14-29 по влегувањето на голот на Вики Сандева која забележа неколку интервенции. Повозрасните девојки од Автокоманда успеаваа да го контролираат и рутински да го завршат овој дуел. Тие на крајот триумфираа со 38-22.
Кај Вардар најефикасни беа Марија Гоцевска со 8 и Анастасија Нелоска со 5 голови.
ЖРК Вардар: Бабунска, Ивановска 3, Танчева, Нелоска 5, Сандева, Коловска , Величковска, Паланковска, Алушовска, Стојчевска 1, Трајкова, Блажевска 1, Цветковска 2, Костадиновска 1, Гоцевска 8, Ангеловска 1.
