Friday ,22 March 2019
Последни:
Home > ЖРК Вардар > Вардарки со ракометна лекција за Чаир, на младински дуел броевме до “42ка„
Вардарки со ракометна лекција за Чаир, на младински дуел броевме до “42ка„

Вардарки со ракометна лекција за Чаир, на младински дуел броевме до “42ка„

Вардар лесно и високо го совлада тимот на ЖРК Чаир во дуел од младинската лига кој се одигра попладнево во “Јане Сандански“. Девојките на Симовски и Царчев дојдоа до победа со резултат 42-18 во меч во кој доминираа во сите аспекти на ракометата игра.

Првиот дел започна со наше водство со 2-0, на кое противникот одговори со еден погодок за преполовување на истото. Броевме до седум, поведувајќи со 7-1, по што чаирчанко кончено го постигнаа својот втор гол за 7-2. Доминиравме на теренот па успеавме да наметнеме наша игра, во целост влегувајќи во пеколна серија 10-0, казнувајќи пред се од контри за предност до 15 гола, 17-2.  По овој момент па до пред  крајот на првиот дел се  се играше гол за гол на двете страни, нашата предност беше голема па во последните моменти влеговме со 23-8 откако двата тима постигнаа по шест гола.  Ние успеавме да погодиме во финишот и да заминеме на одмор со резултат 24-8.

gg2

Вториот  период започна со по еден гол на двете стани за почетно 25-9.  Сликата во овие втори 30.минути на паркетот во малата сала при Спортскиот центар Јане Сандански беше иста како и во поголем дел од првиот период. Ние доминиравме од минута во минута ја зголемувавме предноста па пред финишот поведовме со дури 20 гола, односно со резултат 38-18. Но и тука нашите девојки не застанаа во последните минути им “испорачаа“ уште четири погодоци на гостинките за победа со резултат 42-18.

Вардар: Трајкоска 9одб, Божиновска 3, Дамјановска 3, Џатевска 3, Ангеловска 1, Илиќ 10 одб, Трпевска 6, Гроздановска, Костивиќ 2, Диневска 6, Миновска 4, Седлоска 5, Јаковчевска 2, Стаменова 3, Васевска 2 и Николиќ 2.

Тренери: Симовски и Царчев