Со пресврт и одлична игра, ЖРК Вардар со победа го започна турнирот во Романија

ЖРК Вардар, денес го одигра првиот дуел на турнирот во Романија, за ривал го имаше тимот на ЦСМ Јаши. Девојките на Царчев се надминаа себе, одиграа одлично и остварија победа со 32-30 на оваа средба.

Противникот  отвори подобро имаше водство  со три гола кое го бранеше се до 9-6. Нашиот тим успеа да ја анулира ивнатаа разлика на неколку минути до крајот кога изедначи на 13-13.  Со два врзани погодоци романките успеа да поведат со 13-15 и заминавме на пауза.

Вардарки успеаа по 7.минути во вториот дел да дојдат до егал,изедначувајќи на 20-20. Нашите девојки одигаа одличен втор дел, па направија целосен пресврт, поведовме со 27-24, во вториот дел бевме далеку подобар противник. Успевме да ја задржиме предноста и победивме со 32-30.

Кај нас одлична беше Трпевска со 9 гола, 8 погодоци имаше Тошевска, Миновска впиша 7 затресување на мрежата. Ивана Џатевска која без одмор од ЕП за сениорки се приклучи на тимот постигна три гола. На голот Илиќ забележа 7.одбрани.