Нашиот женски ракометен шампион ќе мора да го помине Митјиланд од Данска, ако сака да игра на завршниот турнир во Будимпешта. Црвено-црните завршија како првопласирани во својата група и за противник го добија Митјиланд кој заврши на четвртата позиција во својата група.
Веќе се одредени и термините на одигрување на двата натпревари помеѓу овие две екипи. Вардарки поради подобриот пласман во групата, реванш натпреварот ќе го играат во Скопје. Првиот меч во Данска е закажан за 9-ти април, додека вториот натпревар е закажан на 15-ти април во Јане Сандански.
Овој противник е познат за Вардар, со кој сме имале можност да играме неколку пати досега. Инаку Вардарки ќе се борат за четврто последователно учество на завршните турнири во најголемото ракометно натпреварување.