Преглед на 12.коло во младинска лига: „Сè е по старо“, ЖРК Вардар повторно лидер

По одигрувањето на 12.коло во женската младинска ракометна лига ништо не е сменето, ЖРК Вардар повторно е лидер. „Црвено-црните” победија на гости кај ЖРК Шампион со убедливи 30 гола разлика. Победата беше рано обезбедена уште на самиот почеток кога поведовме со 1-7.

Триумфот на крајот дојде извојуван со резултат 10:40. На овој дуел  најистаканти  во „црвено-црниот” табор беа Трпевска Ивона која даде 9 гола, голманот Симона Грујовска имаше 8 одбрани, а пак крилото  Петковска Мирјана дуелот го заврши со 8 погодоци.  Покрај нас, победи остварија и екипите на Металург и Куманово кои не следат на табелата. Ова се резултатите и табелата по 12.коло:

• ЖРК Металург – ЖРК Лихнид 2012 31:18 
• ЖРК Гевгелија – ЖРК Куманово 24:36
• ЖРК Шампион – ЖРК Вардар 10:40
•  ЖРК Стружанка – ЖРК Кузман Вардар Илинден 37:30
•  ЖРК Чаир -слободен

 Напомена: Викендов, Вардар беше слободен во 13.коло, за кое сеуште нема потврдени резултати од страна на федерацијата.