Камара и Радичевиќ: Верувавме дека ќе триумфираме на ова тешко гостување

Нашиот ЖРК Вардар може да се пофали дека е еден од ретките тимови што успеал да победи в гости  кај Будуќност во натпревар во рамките на ЕХФ Лигата на шампионите. Во првото коло од главната фаза црвено-црните триумфираа со  31-28. На прес конференцијата по дуелот Давид Дејвис, тренерот на Вардар задоволен од успехот изјави:

Му честитам на Драган Аџиќ, бидејќи го почитувам како тренер, и него и екипата. Ова беше добар натпревар. Тешко како и секогаш, и ние моравме многу да работиме како подготовка за натпреварот. Три недели се подготвуваме за овој меч. Видовте дека се играше „горе- доле” со резултатот. Ние имавме и доста проблеми, но победивме. Игравме со доверба, сакавме да победиме. Знаеме дека тука е тешко. Задоволен сум од играчите како игравме, и им честитам. Среќен сум поради тоа.

Од играчкиот кадар на пресконференцијата беше присутно нашето десно крило Јованка Радичевиќ. Таа на оваа средба  постигна три гола, Јованка вака го виде мечот:

Би им честитала на соиграчите бидејќи на тежок терен освоивме два бода. Незнам кој успеал тука да победи, можеби Ѓер беше последен што триумфираше. Ние веруваме дека можеме да победиме. Драго ми е што и кога Будуќност водеше ние не ја загубивме вербата, туку бевме како едно. Беше тежок натпревар до последен момент. Мислам дека овие две екипи покажаа како се игра квалитетен ракомет.