Денеска со почеток во 16 часот во салата во Автокоманда, ЖРК Вардар Јуниор и ЖРК Металург ќе одиграат пријателски натпревар. Ова ќе биде последната проверка на тренерот Симе Симовски пред историскиот натпревар против Карпати во рамките на 1/4 финалето од Челинџ купот кој ќе се одигра в понеделник во нашата сала со почеток во 18:30.
Тренерот на Вардар Јуниор Симе Симовски за официјалниот сајт на клубот изјави:
„Се договоривме со Металург да одиграме уште една пријателска средба. Тие беа доволно коректни да прифатат и да спарингуваат со нас, зашто тоа ни е многу потребно во овие моменти. Екипата полека се комплетира, веќе трет ден тренираат сите ракометарки кои беа повредени, со исклучок на Ангела Тодоровска. Се надеваме дека ќе се подготвиме максимално и ќе оствариме уште еден добар резултат“, рече Симовски.