Радичевиќ: Успеавме да се вратиме од негатива и да издвојуваме победа

ЖРК Вардар со триумф го отвори првиот турнир во рамките на регионалната лига, кој се игра во Подгорица. напиот шампион беше подобар од Будуќност, совладувајќи го со резултат од 22:24. Иако настапивме без неколку стандардни играчи, сепак на крајот по голема борба успеавме да издвојуваме победа. Најдобар стрелец во нашиот состав беше Јованка Радичевиќ која постигна седум гола и за официјалната страна на клубот за триумфот против Будуќност го изјави следново:

-Се виде заморот кај играчите во дват атима, како последица на работата на физичка подготвеност, бидејќи ова беше ударна недела и сега полека се намалува тоа темпо. И во двата тима недостасуваа некои ракометарки. Имаше и добри и лоши работи. Будуќност многу има напредувано во однос на играта на турнирот во Скопје. Ние успеавме да се вратиме и покрај минусот што го имавме. Видовме на кои работи треба да внимаваме во иднина, рече Радичевиќ.