(ФОТО) Реми со Фарски острови за Македонија, 10.гола „дело“ на вардарки

Македонија не успеа да дојде до победа, иако постојано беше на чекоp пред  селекцијата на Фарските острови. На крајот на дуелот од 2.коло на младинскиот ЕХФ Шампионт и мораше да се задоволи со реми, натпреварот заврши со резултат 24-24.

Имавме постојано предност во текот на првиот дел од неколку гола, сепак на одмор заминавме со минимална разлика. На семафорот во СЦ „Јане Сандански“ стоеше 14-13 за црвено-жолтите девојки.

Вториот дел беше сличен како првиот период од 30.минути, ние повторно поведовме овој пат со три гола (17-14). Тие три гола ги чувавме се до 23-20, по што следуваше серија 0-4 на ривалот со кој поведе со 23-24. Успеавме до крајот да дојдеме до бод изедначувајќи на 24-24. Па сега по две кола ние и Фарските острови имаме по 3.бода, Холандија која е наш следен ривал има 4.на првата позиција.

Вардарки на оваа средба  имаа дури  10.гола, пикерот Ивана Џатевска  беше најефикасна со 5.гола, Сара  Миновска стрелаше во 4 наврата и Ангела  Костовиќ впиша погодок.