Савевски го состави стручниот штаб, познати сите три имиња

Македонскиот селектор и координатор на женските репрезентации, Љубомир Савевски ги одреди имињата на тренерите со кои ќе соработува. Тој  го комплетираше својот стручен штаб.

Јулијана Црвенкоска, која во моментов е тренер на Металург, ќе биде негов асистент. Помошник на Савевски и кондициски тренер ќе биде и Аце Станковски, кој ја започна  сезонава во РК Скопје, од каде премина  Вардар Неготино, каде што е прв тренер. Станковски има големо искство и со  женската екипа на Вардар. Тања Андреева останува задолжена за  работа со голманите.

Назначените  тројца тренери заедно со  Савевски летово ќе имаат задача со кадетската и младинската селекција, кои ги очекуваат ЕХФ Шампионатите.