Женската екипа на Вардар ги доби противниците во групната фаза на Лигата на Шампионите. Се работи за навидум “тешка“ група во која ќе гледаме доста квалитетни и интересни мечеви. Ждрепката сакаше нашиот шампион да се натпреварува со Митјеланд (Данска), Хипо (Австрија) и најверојатно екипата на Ѓер (Унгарија).
Екипата на Митјеланд ни е доволна позната, со овој противник игравме во групната фаза во сезоната 2013/2014 а подоцна се сретнавме и на фајнл-форот во борбата за третото место. Жрк Вардар беше тогаш поуспешен и го освои бронезениот медал. Претходно во група, двете екипи забележаа по една победа на свој терен. Мечевте со Ѓер ќе бидат реприза на четврт-финалните од изминатава сезона, во кој нашите девојки експресно го елиминираа Унгарскиот шампион. Хипо во последниве неколку сезони нема забележителни резултати во Лигата на шампионите, но секогаш е незгоден противник.
Распоредот и термините на одигрување на мечевите на Вардар е следниов:
1 коло: Вардар-квалификант(Ѓер) (16-18 октомври)
2 коло: Хипо-Вардар (23-25 октомври)
3 коло: Вардар-Митјеланд ( 30 октомври-1 ноември)
4 коло: Митјеланд-Вардар ( 6-8 ноември)
5 коло: квалификант(Ѓер)-Вардар ( 13-15 ноември)
6 коло: Вардар-Хипо ( 20-22 ноември)