Vardar Fans
Екипата на ЖРК Вардар Јуниор стигна до втората победа во најсилната супер лига, откако попладнево во С.Р.Ц Кале ја поразија убедливо екипата на Овче Поле.
Гостинската екпа имаше една и единствена предност и тоа на самиот старт кога го отвори резултатот. По првите пет минути се играше гол за гол, а избраничките на Симе Симовски во неколку наврати имаа предност од два гола (4:2, 5:3, 6:4 и 7:5) кога направија нова серија и за прв пат имаа највисоки четири голови разлика (9:5). Неизвесност имаше се до резулат 11:8 кога младите Вардарки со нова серија од 5:0 го зголемија резултатот на 16:8 и полека најавија дека бодовите ќе останат во Скопје. До крајот на првиот дел по три гола постигнаа двете екипи, за на одмор да се замине со резултат од 19:11.
И второто полувреме започна со гол на Овче Поле, кои во 35 минута ја намалија негативата на шест гола (20:14). Сепак Вардар Јуниор играше добро на овој натпревар и имаше контрола на резултатот. Постигнуваме четири последователни голови и за прв стигнуваме до двоцифрена предност од 24:14.Следуваше период од седум минути кога се играше гол за гол, за црвено-црните истава предност ја имаа и при резултат 30:20. Тренерот Симовски им даде шанса за настап на сите ракометарки кои беа на располагање и сите ракометарки освен Атанасова на крајот се запишаа во листата на стрелци. Нова серија на нашиот состав од 4:0 и највисоки 34:20. Последните минути беа само рутина за Вардар, кои на крајот славеа убедлива победа со конечни 39:23.
Најефикасна во нашиот состав беа Ива Божиноска и Анастасија Николовска кои постигнаа по 6 голови.
Вардар Јуниор: Илиќ, Реџеп 3, Николовска 6, Карчева 2, Кицеска, Вељановска 1, Станиќевска 3, Атанасова, Трпевска 3, Георгиевска 2, Божиноска 6, Гичевска 2, Диневска 4, Иванова 4, Николиќ 1.
