Како во машка така и во женска конкуренција, ЕХФ ја објави листата на најголеми кандитати за освојување на лигата на шампионите. Според експертите на ЕХФ, екипата на Вардар е најголем фаворит оваа сезона да го подигне трофејот во ЛШ. Во својата анализа за Вардарки се вели:
-Вардарки играат во страшна форма и очекувано се наоѓаат на првото место. Избраничките на Давид Дејвис Камара се единствените кои се непоразени во натпреварувањето, а како главен фактор за успехот ЕХФ го посочува одличниот играчки ростер и долгата клупа која ја поседуваат „црвено-црните“. Издание за титула ракометарките на Вардар ќе имаат да покажат во наредните два меча, кога во Скопје гостуваат Будуќност и Турингер.
Нашиот ракометен шампион е сеуште без пораз во најголемото ракометно натпреварување, каде има осум победи во серија. Оваа сезона само екипата на ФТЦ успеа да ни одземе бод и тоа во првото коло пред нашата публика. Интересно токму тие се втор најголем фаворит за освојување на првото место. Од тој меч црвено-црните делуваа убедливо, а како доказ за добрата форма беше и гостинската победа против Будуќност.
Како изгледа листата на најголемите кандидати за освојување на ЛШ:
1. Вардар
2. ФТЦ
3. Ѓер
4. Ларвик
5. ЦСМ Букурешт
6. Митјиланд.
7. Мец
8. Будуќност
9. Турингер
10. Есбјерг