Vardar Fans
Екипата на ЖРК Вардар обезбеди предност во рамките на првиот дуел од четвртфиналето во ЛШ. Црвено-црните со триумф се враќаат од гостувањето во Данска, кои славеа со резултат 26:28.
Првите два гола за Вардар беа дело на Андреа Пенезиќ која носи водство на Вардар од 1:2, за во шестата минута со два гола во серија, Митјиланд да има прво водство од 3:2, што беше нивно прво и единствено на овој меч. Пенезиќ беше дефинитивно расположена за игра и веќе три од четирите погодоци за црвено-црните се зад нејзиното име. Лејно исто така беше одлина на голот и не дозволуваше противникот да го превземе водството. Лазовиќ во овој дел од натпреварот беше поддршка за Пенезиќ, токму со нивните погодоци и еден на Лакрабер правиме серија од 0:3 и за прв пат стигнуваме до три гола позитива (4:7). Во следните минути домашниот тим успева да искористи неколку наши грешки и да стигне на само гол негатива (6:7). Вардарки одговараат на брзото темпо на игра која ја наметнаа Данките и со сосема успешно ја спречи нивната брза игра, која е типична за скандинавскиот ракомет. Во 18 минута со погодокот на Камила Херем успеваме да стигнеме до четири гола разлика (8:12). Пенезиќ денес игра одлично и речиси секој нејзин удар завршува во мрежата на Митјиланд и со нејзиниот петти гол, одржуваме предност од 9:13. Тука не застанавме и продолживме да го зголемуваме водството во наша корист. Со голот на Човиќ во 21 минута, Вардар има солидна предност од 9:15. Лејно продолжува со успешните интервенции и веќе стигнува до 5 одбрана. Ова разлика ја одржуваме и до истекот на првите 30 минути, кога на одмор се замина со резултат 12:18.
Во второто полувреме на позицијата лево крило во игра влезе Тамара Мавсар кој ги постигна првите два гола за Вардар, кој одржува шест гола предност. Лејно имаше чудесна интервенција и не дозволи Митјиланд да ја намали негативата на три гола. Радичевиќ ја прекина нашата серија без погодок и од својата позиција постигнува гол за водство од 19:23. Лејно е дефинитивно волшебник на голот и со својата десетта одбрана го одржува водството, додека прв погодок и за Андреа Лекиќ која зголемува на 16:21. Неколку наши неискористени напади, му овозможуваат на домашниот тим да стигне до само два гола негатива (24:26). По подолга пауза успеваме да постигнеме гол преку Андреа Лекиќ и да ги зголемиме шансите за победа. На крајот сепак успеваме да славиме со конечен резултат од 26:28.
Нашите девојки со оваа победа се многу блиску до нов заршен турнир во Будимпешта. Лејно имаше 13 одбрани, додека најефикасна беше Андреа Пенезиќ со 7 голови.
