Вардарки стигнаа до втората победа, на првиот турнир во регионалната лига

Вардар со победа го заокржи првиот турнир во рамките на регионалната лига, кој денес треба да финишира во Подгорица, со натпреварот помеѓу екипите на Будуќност и Крим. Црвено-црните овој пат беа подобри од шампионот на Словенија, совладувајќи ги со резултат од 30:27.

Уште од самиот старт на натпреварот, избраничките на Дибирова имаа предност која ја задржаа до крајот на првото полувреме, кога на одмор заминаа со резултат 14:11. На стартот на второто полувреме, шампионот на Словенија со серија од 3:0 успева да го израмни резултатот на 14:14. Во продолжение од натпреварот, Крим се покажа како подобра екипа на теренот. Се чинеше дека противникот е поблиску до триумфот кога имаа предност од три голови разлика. Сепак Вардарки не дозволија изненадување и полека но сигурно ја стопија предноста на Крим. На крајот успеваме да славиме со резултат 30:27.

Повторно најдобар стрелец во нашиот состав беше Радичевиќ која постигна двоцифрен број на постигнати голови, или вкупно 10, додека Лекиќ беше втор најефикасен играч со 5 погодоци.

ВАРДАР: Суслина, Мицевска, Радичевиќ, 10, Кликовац 3, Саздовска 1, Пенезиќ, Керамитчиева, Канџија 1, Хмирова 3, Цвијиќ 3, Лекиќ 5, Петровиќ 1, Ристовска 2