Вардар СЦЈС утре гостува кај ЖРК Овче Поле

Во меч во рамки на деветото коло во женската ракометна Супер Лига избраничките на Симе Симовски младиот сениорски црвено-црн колектив Вардар СЦЈС гостува во Свети Николе. Наш противник во ова ново суперлигашко соочување е екипата на ЖРК Овче Поле.

Вардар во досегашните седум дуели оствари пет победи и два порази. Ги победивме сите екипи со кои се соочивме во единствената женска лига во земјата освен ривалките од Автокоманда. Тимот на ЖРК Металург  ни нанесе пораз во гости во првото коло, и пораз дома во последното. Тимот на Овче Поле досега има само два триумфа во изминатите кола во лигата. Мечот се игра утре, сабота 5-ти ноември со почеток во 19-00 часот. Нашите девојки се фаворитки во овој дуел, на првиот меч одигран во Спортскиот центар “Јане Санднаски“ девојките на Вардар триумфираа со 37-22 (15-11). Вo следното суперлигашко коло домаќинки сме на екипата на ЖРК Куманово. Девојките  ја темпираат формата за Челинџ купот, каде на 13 ноември ќе гостуваме во Бугарија кај екипата на Свиленград.