Второ место за ЖРК Вардар СЦЈС во супер лигата, по одигрување на првиот дел од сезоната

Со десет победи и два порази, младиот состав на ЖРК Вардар СЦЈС го заврши првиот дел од сезоната. Супер лигата брои седум екипи, односно се играа два круга по шест кола, или вкупно 12 одиграни натревари во овој дел од сезоната. Избраничките на Симовски успеаа на два наврати да ги победат екипите на Прилеп, Гевгелија, Пелистер, Овче Поле и Куманово, додека на два пати беа поразени од екипата на Металург. Првото дерби се одигра во Автокоманда кое го доби Металург со гол во последните секунди, додека на реваншот во Јане Сандански, противникот забележа поголема победа изразена со пет голови разлика. На останатите мечеви, речиси и да немавме поголеми проблеми што се однесува до тоа кој ќе ги освои бодовите. Постигнавме вкупно 377 голови, додека примивме 255.

Ова се сите одиграни натпревари и постигнати резултати за Вардарки во супер-лигата:

1 коло: Металур- Вардар СЦЈС  22:21

2 коло: Вардар СЦЈС – Овче Поле  37:22

3 коло: Куманово - Вардар СЦЈС  28:33

4 коло: Вардар СЦЈС – Прилеп   33:24

5 коло: Пелистер – Вардар СЦЈС   20:43

6 коло: Вардар СЦЈС – Гевгелија   35:18

7 коло: Вардар СЦЈС – Металург  20:25

8 коло: Овче Поле – Вардар СЦЈС   19:33

9 коло: Вардар СЦЈС – Куманово  23:20

10 коло: Прилеп – Вардар СЦЈС   22:28

11 коло: Вардар СЦЈС – Пелистер  43:13

12 коло: Гевгелија - Вардар СЦЈС  22:29.

ЖРК Вардар Јуниор втора сезона по ред се дел од европските натпреварувања, односно од настапите во Челинџ купот. Првата пречка беше успешно совладана, во екипата на Свиленград од Бугарија. На двата меча нашите девојки забележаа победи и со сигурна игра се пласираа во следната рунда од Челинџ купот. За противник во соминафинлето го добивме  шведскиот тим на Х 65 Хорс.

1/16 : Свиленград - Вардар  СЦЈС  29:35

1/16 : Вардар СЦЈС – Свиленград   29:22

Во вториот дел од сезоната треба да се одиграат уште 12 кола, по кои ќе бидат познати трите екипи кои ќе продолжат во плеј-оф натпреварувањето. Таму им се приклучува екипата на ЖРК Вардар која е број еден фаворит за освојување на двојната круна и оваа сезона.

Дресот на ЖРК Вардар СЦЈС оваа сезона го носат: Драгана Петковска, Љупка Белмезова, Нина Ладева, Маја Трпковска, Марија Прленда, Теодора Керамитчиева, Ангела Тодоровска, Клаудија Ѓеоргиевска, Сара Митова, Леонида Гичевска, Анастасија Николовска, Наташа Нолевска, Стефанија Мишевска, Ања Велкова, Ива Божиноска, Симона Стојановска, Сара Николовска, Николина Бојаџиска, Ана Станиќевска, Моника Георгиевска.