По пауза од три години, ЖРК Вардар се враќа на европската ракометна мапа. Младите девојки ќе добијат прилика да играат на европски мечеви. Тимот и официјално пријави екипа до европската куќа на ракометот за ЕХФ Европскиот КУП.
Се чека само потврда за настап од централата, пријавувањето на екипите е до утре (6.јули, вторник) жрепката е закажана за полoвина месец, односно за на 20 јули, кога црвено-црнит дами ќе го дознаат својот ривал.
Тимот и покрај скромниот буџет прави максимум да им даде на девојките прилика за докажување која тие ја заслужуваат со добрите игри и двете „сребра“ во изминатата сезона. Раководството вложува и во подобрување на условите за напредок, како што објавивме ќе биде ангажиран професионален тренер за физичка подготовка, односно кондиционен тренер. Ќе биде пополнето и местото за лице задолжено за здравјето на девојките, односно физиотерапевт.
Од Вардар заминаа три девојки, на играчите кои го напуштија клубот им посакуваме се најдобро и благодарност што беа дел од тимот. Во новата сезона вардарки ќе бидат посилни за искуството, за базната подготовка со професионален пристап, тимот има покрај прв тренер, кондиционен има и тренер на голмани, па сме покриени на сите полиња. Додатно веројатно ќе бидат ангажирани и некои нови девојки, а ќе добијат и шанса некој ракометарки од кадетскиот состав, екипата во која има премногу квалитетни, млади и надежни девојки кои „чукаат на вратата“ на сениорскиот тим.