Vardar Fans
Екипата на ЖРК Вардар СЦЈС стигна до втората победа во најсилната супер лига, откако успеаа да слават против екипата на Куманово на гостински терен. Конечниот резултат гласеше 28:33.
Победникот беше решен уште по првото полувреме, кога имавме двоцифрена предност од 11:21. Освен почетните минути кога се играше гол за гол на двете страни, остатокот од натпреварот помина во доминација на Вардарки. На избраничките на Симе Симовски им требаше малку време да направат серија од погодоци и да се одлепат од противникот. На десет минути пред крајот на првото полуврме имавме предност од десет гола, но дозволивме да се опуштиме и да ја преполовиме предноста на само пет гола.
Најефикасна ракометарка во нашата екипа беше Наташа Нолевска со 9, додека Сара Митова и Теодора Керамитчиева постигнаа по 6 голови.
Вардар СЦЈС: Белмезова (10 одбрани), Стојановска 1, Трпкова 2, К. Георгиевска 3, Николовска, Митова 6, Бојаџиска 2, Тодоровска 1, Нолевска 9, Петковска (11 одбрани), Керамитчиева 6, М. Георгиевска, Мишевска 2, Николовска, Гичевска, Велкова 1.
