ЖРК Вардар најуспешен женски тим, награден со оскар на манифестацијата “Жените во спортот”

Вчера  во хотелот Александар Палас во Скопје беа доделени првите оскари за жената во спортот во Република Македонија во организација на здружението ТАКТ. Таа е силна, инспиративна и победува – беа зборовите со кое здружението го најави гала-настанот на кој тринаесет жени во спортот добија посебни признанија за своите активности, во и надвор од теренот.

Женскиот ракометен клуб Вардар доби признание за најуспешна женска екипа во земјава. За науспешна спортистка во колективен спорт “оскар“ доби Сара Ристовска која ги бранеше црвено-црните бои се до почетокот на летото.