Vardar Fans
По завршениот настап на Купот каде дојдовме до „сребро“ голем предивик го очекува ЖРК Вардар и во домашната лига. Задутре, среда 19.мај сме домаќини во дербито на Металург. Овие два тима се борат за втората позиција зад лидерот и се поизвесно шампионот во лигата тимот на Куманово.
Натпревеварот се игра со почеток во 14-30 часот во Спортскиот центар „Јане Сандански“ во Скопје. Во моментов имаме 4.бода повеќе од сино-белите, но и еден натпревар повеќе одиграно оваа сезона. Покрај тоа гостуваме и во Куманово за викенд, па доколку сакаме како и во Купот така и во лигата да ни „гледаат во грб“ потребна е победа на оваа средба против тимот од Автокоманда.
Поради важноста и атрактивноста на дуелот од овој натпревар црвено-црните ќе обезбедат директен пренос преку видео стрим. Истиот ќе го поставиме на нашиот сајт на денот на одигрување на овој првенствен дуел до 22.коло во женската Супер лига.
