Комити: Јане Сандански е место каде се раѓаат нови херои, во сабота сите во сала

Како се ближи натпреварот против екипата на Веспрем така се повеќе се загрева атмосферата за овој дуел. Вардар во сабота игра многу важен меч, а од исходот на дуелот во голема мера ќе зависи конечниот пласман на табелата во најсилната група А. Голманот на Вардар, Дејан Милосављев имаше повик до сите вардарови навивачи да дојдат во сабота во Јане Сандански и да го подржат тимот на овој многу важен меч. Во врска со ова се јави и навивачката група Комити, која на својата официјална страна го напиша следново:

Јане Сандански е место каде се раѓаат нови херои!
По заминувањето на “октоподот” на голот на Вардар, најголема грижа на стручњаците беше како ќе се пополни таа празнина…Но ние знаевме, ние верувавме дека како што Македонија други ќе роди и по Царот Пирински, така и од салата која го носи неговото име ќе се родат и други кои ќе бидат достојни како предходните!
Затоа е Вардар институција…
А кога еден човек со големо срце, една легенда во најава ќе ја повика Црвено-Црната Армија да дојде во Европскиот Ракометен епицентар на лудилото, тогаш нашите срца не можат да одолеат, затоа што потсетуваат многумина од нас на нашата прва љубов, на младоста која му ја подаривме и за која не сме зажалиле ниту за момент!
И сто животи да имаме, и илјада шанси да ни се укажат да го вратиме времето за да направиме нешто поинаку од она што сме направиле, повторно ќе го сториме истото, повторно страста од прегратката со другарот до себе во исполнетиот коп и скокањето пеејќи ја Зига Зага или Ајде Ајде Ајде Вардареее ќе преовлада!

Фала ти Боже што сум Комита!!!
Фала ти што сум Македонец до коска!!!
СИТЕ ВО САЛА!!!
16.02.2019