ЖРК Вардар покажа зашто е лидер на табелата, „разбиен“ тимот на Деспина

Posted by: М.Т - Лико 26/02/2022 in ЖРК Вардар, Прв тим

Девојките на Ристова и Царчев, тимот на ЖРК Вардар покажува зашто е лидер на табелата, црвено-црните дами денес дојдоа до 3/3 во плеј-офот. Ја совладавме екипата на Деспина во „Јане Сандански“ во меч во кој доминиравме од 1.минута до крајот на истиот, победивме со резултат 36-17 (18-07).

Доминиравме по 5.минути игра веќе водевме со 4-0, прилепчани веднаш побараа тајм-аут со цел да ја прекинат нашата серија. Одличен потег имаше голманот Илиќ, таа успеа да погоди за 5-0 од гол на гол на атрактивен начин. Во 12.минута со двата врзани гола на Бојана Коцева поведовме со високи 8-0, противникот нашиот голман го совлада дури во 13.минута. Направија мала серија 0-3 и намалија на пет гола (8-3) тоа беше се што можеа да прикажат. Во 23.минута ја пробивме двоцифрената граница и поведовме со 10.гола, преку Миновска која погоди за 15-05. Најубавиот момент денес го видовме во 26.минута кога Трпевска упати „цепелин“, Миновска атрактивно ја прифати топката и стрелаше. На одмор заминавме со резултат 18-7. Одлични беа сите девојки, Миновска имаше највеќе голови во првиот дел, четири.

Ристова даде шанса на целиот ростер, одлично игравме па по 10.минути ракомет доминиравме на теренот. Отидовме на плус 15.гола (25-10) со голот на Марија Николовска. Во нападот бевме одлични, во одбраната непремосливи, заедно со расположената Трајкоска помеѓу стативите. На почетокот на 51.минута водевме со убедливи 20 гола (32-11) по одлично изведениот пенал на Тошевска Магдалена која прв пат е во составот во оваа 2022 година, и денес го дели првото место на листата на стрелци со Миновска. Се беше рутина до крајот на дуелот, ние имавме одлична игра, постојано ја одржувавме предноста близу дваесет гола повеќе од гостинскиот тим. Прилепчанки ги совладавме со резултат 36-17 на оваа средба.

По 6.гола имаа одличната Миновска Сара и Магдалена Тошевска која само за 10-сетина минути го наполни голот на ривалот, Коцева Бојана даде 5.погодока, 4.гола беа дело на Марија Николовска.