Vardar Fans
Екипата на Ѓорче Петров-ЖРК од денес на првиот дел од меѓународниот турнир “Ѓорче Куп 2022“ се сретна и го совлада нашиот ЖРК Вардар. Домаќинот на турнирот победи со резултат 32-27.
Првиот дел започна со по три гола на двата тима, за почетна резултатска симетрија 3-3. Во налет беше ривалот кој направи серија и поведе со шест гола (9-3) успеавме да намалиме и на пауза заминавме со резултат 18-14. Младиот тим на Вардар се бореше во текот на сите 60.минути против шампионот на Македонија, дуелот заврши со победа на домаќинот од 32-27 на крајот.
Прв стрелец беше Ивона Трпевска со 7 гола, кадетката Сара Стефановска даде 6 гола, Бојана Коцева имаше 4 гола, погодија и Ивана Џатевска (3 гола), Нина Попова и Магдалена Тошевска со по 2 гола, по еден гол имаа: Борјана Коцева, Ангела Гроздановска и Бојана Диневска. На голот Андреа Илиќ впиша 8 одбрани, а Јована Трајкоска имаше 2 одбрани
Видео од целиот натпревар може да погледнете ОВДЕ!
