На своето официјално деби, Горјан Цветков успеа да се запише во листата на стрелци, настап забележа и Ѓорѓи Дошев

Рутинска победа за ФК Вардар и пласман меѓу осумте најдобри екипи во националниот Куп. Денес на стадионот Борис Трајковски во рамките на 1/8 финалето од Купот, црвено-црните убедливо ја победија екипата на Фортуна со резултат 4:0.

Два гола на натпреварот постигна Владимир Жоглев, додека по еден беа дело на Симеон Христов и младиот Горјан Цветков (2005), кој го имаше и своето деби на официјален натпревар за сениорската екипа.

Цветков влезе во игра во вториот дел од натпреварот и успеа да се запише во листата на стрелци во 82.минута од натпреварот. Се работи за играч кој ги има поминато сите младински категории на Вардар, посебно со генерацијата 2005 има освојувано големо број на трофеи, како на домашна сцена, така и на меѓународни турнири на кои настапувал со неговата генерација. На денешниот натпревар во игра влезе и Ѓорѓи Дошев, кој минатата сезона го имаше своето деби на официјален натпревар за Вардар.

Нашиот медиум веќе десет години ги следи младинските екипи на ФК Вардар, на следниов линк можете да прочитате интервју со Горјан Цветков од 2016 година.