Thursday ,11 August 2022
Последни:
Home > ФК Вардар > Прв тим > Градското фудбалско дерби, ќе се одигра во вечерен термин од 18 часот
Градското фудбалско дерби, ќе се одигра во вечерен термин од 18 часот

Градското фудбалско дерби, ќе се одигра во вечерен термин од 18 часот

Официјално, градското фудбалско дерби помеѓу екипите на Вардар и Работнички ќе се одигра во вторник со почеток од 18 часот на Арената Филип втори. Ова е одлична можност за гледачите по подолго време да можат да проследат фудбалски натпревар во ноќен термин. Мечот добива на значење, бидејќи играат прво и второпласираниот на табелата, кои се борат за Шампионската титула во домашното првенство. Нема многу калкулации за црвено-црните, потребна е победа на овој дуел за да се одлепиме на најголеми досега шест бода. Иако момците не прикажуваат игри како што очекува верната Вардарова публика, Комити биле секогаш со тимот дури и во многу потешки моменти.

Очекуваме по подолг период да видиме еден квалитетен дуел, како што доликува на едно дерби во едно национално првенство. Трите бода секако се обврска и должност за Вардаровите фудбалери да ги освојат на овој толку важен дуел. Ги повикуваме сите симпатизери на црвено-црниот состав да бидат во вторник на стадион и да го бодрат клубот кон големо исчекор кон нова титула.