Вардар ги губи фудбалерите: Чарлс заминува во Ѓорче, Велкоски во Работнички, силен интерес за Попзлатанов од А.Пандев

Бидејќи судбината на ФК Вардар и понатаму е неизвесна, бидејќи шефот на стручниот штаб си поднесе оставка, фудбалерите на Вардар, или оние од есенскиот дел од сезоната, си пронаоѓаат нови клубови по одличната полусезона во дресот на ,,црвено – црните”.

Васоски заминува во Академија Пандев, тоа го обелодинивме уште пред една недела. Покрај него, Бразилецот кој мина шест месеци во Вардар, Чарлестон е нов играч на Македонија ЃП. Двете страни веќе ги договориле сите детали од договорот, па така го имаме и првото заминување од шампионот.

Вториот е младиот дефанзивец Виктор Велкоски. Велкоски одигра супер полусезона во Вардар, па тоа беше силна препорака за градскиот ривал Работнички практично да го врати во својте редови. И двете страни ги дели потпис од договор.

Пред заминување од Вардар се и младите офанзивни играчи Јован Попзлатанов и Матеј Цветаноски. За првиот има силен интерес од Академија Пандев, додека пак Цветаноски има понуди од наши клубови, но и од странство.

Доколку не се среди ситуацијата во ФК Вардар и во следниот период, речиси сите играчи ќе си заминат…