Вардар не го доигра до крај ниту третиот контролен натпревар на подготовките во Словенија. Откако првиот меч против Дравиња, при наша предност од 1:0, беше прекинат во 60 минута, и вчерашниот дуел против светскиот вицешампион, тимот на Ал Аин, е прекинат по само 45 минути игра, поради силен дожд.
Според информациите, Вардар бил многу подобриот тим на теренот, бил поконкретен, а ја имал и најголемата шанса за отварање на резултатот. Младиот напаѓач, Џемал Ибиши немал среќа, кога ја погодил само стативата од голот на противникот. Црвено-црните имале обиди и преку Брдаровски и Цветановски, но немало погодок, додека Ал Аин речиси и да се заканил кон нашиот гол.
Вардар: Гачевски, Тошевски, Новак, Серафимов, Жуниор, Најдовски, Мицевски, Аврамовски, Брдаровски, Цветаноски, Ибиши.