Friday ,29 March 2024
Последни:
Home > Останати спортови > Кошарка > МЗТ подобар од Вардар, Провел најефикасен со 25 поени
МЗТ подобар од Вардар, Провел најефикасен со 25 поени

МЗТ подобар од Вардар, Провел најефикасен со 25 поени

Кошаркарите на МЗТ Скопје ја забележаа втората победа во шампионатот на Македонија, откако вчера го победија тимот на Вардар на гостински терен со резултат 72-102 (25-24, 12-24, 14-34, 21-20).

Вардар одигра добро во првата четвртина и по десет минути игра водеше со еден поен разлика 25-24. Во вториот период нашиот тим го стигна малку заморот, па така на пауза МЗТ успеа да замине со предност од плус 11. Третата четвртина беше клучна на натпреварот. Црвено – црните успеаја да постигнат само 14 поени во оваа четвртина а да примат дури 34. Иако нашите играчи добија уште еден период, последниот, сепак тоа не беше доволно за поинтересен натпревар.

Во редовите на Вардар и на овој натпревар се истакна Провел кој реализираше 25 поени (8-15) од игра за вкупно 27 минути поминати на теренот. Најефикасни поединци во тимот на МЗТ Скопје беа Маслинко со 20 поени и Дамјан Стојановски со 17.

Вардар во третото коло гостува кај Фени Индсутри.