КК Вардар денеска ќе одигра пријателски меч со Кожув

По две годишно отсуство, повторно во првата кошаркарска лига ќе го гледаме нашиот КК Вардар. Оваа сезона тимот на Вардар ќе настапи во првата лига со млад тим, но и со млад тренер. Како што информиравме пред неколку седмици, нов тренер на КК Вардар е Ѓорги Кочов. Покрај новиот тренер, има и неколку нови имиња. Кирил Тошев оваа сезона ќе настапува за нашиот тим, како и повратникот Дејан Лазаревски кој изминатата сезона настапуваше во првата лига за тимот на КК Бест.

Вардарци веќе одиграа еден пријателски натпревар како подготовка за сезоната. Во него се сретнаа со прволигашот од  Битола, екипата на  КК Пелистер. Тој меч се одигра во салата „Кале”, а нашите момци беа подобар противник и однесоа триумф со резултат 75:62.

Пријателскиот натпревар против тимот на КК Кожув, кој оваа сезона го предводи Врбица Стефанов, ќе биде одигран попладнево во салата 26 Април во Гевгелија со почеток во 17 часот и 30 минути.