Vardar Fans
Кошаркарите на Вардар денеска го пречекуваат тимот на Пелистер во рамките на седмото коло од Првата Македонска кошаркарска лига.
По минатонеделната прва победа во лигата, црвено – црните ќе се обидат да стигнат до втор триумф во низа против уште еден директен конкурент за обезбедување на опстанокот сезонава. Пелистер во овој момент е на скор од 1-5, а пак нашиот тим на скор од 1-4.
Натпреварот во кој двата клуба немаат право на грешка е со почеток од 17 часот и 30 минути на „Кале“, но и со директен пренос на македонската телевизија.
