(ФОТО) Кадетите со последни подготовки пред утрешниот Ф-4, дали со “злато“ ќе му го честитаат роденденот на тренерот Чивлачки?

Денес во салата “Кале“ кадетите на Вардар го имаа последниот собир пред  утрешниот настап во Автокоманда каде ќе се борат за шампионската титула во кадетската машка лига на Ракометната федерација на Македонија. Противник на Вардар во полуфиналето е Струга, а натпреварот се игра во 12,45 часот. Во 18-00 часот ќе се игра малото финале за бронзениот медал, а во 19.45 е закажано финалето за златниот медал. Избраниците на тренерското дуо Слободан Чивлачки и Кристијан Грчевски во Ф-4 влегуваат како првопласирани во својата група. Тие денес под будното око на тренерскиот двоец го имаа последниот тренинг, кординација и собир. Останува да видиме дали утре со “злато“ ќе му го честитаат роденденот на нивниот тренер Чивлачки. Лани тие му поготвија интересно изненадување по победата во првенствен натпревар-види.