Vardar Fans
Викендов во малата сала на спортскиот центар Јане Сандански продолжија натпреварите од Јуниор лигата. Нова можност да настапат добија најмладите учесници, тоа се девојчиња и момчиња родени од 2006/09 година. Беа одиграни вкупно шест натпревари, по вкупно 15 минути трае еден меч. Да напоменеме дека во оваа генерација, екипите играат мешано и момчиња и девојчиња. Ви ги презентираме сите резултати од натпреварите на најмладите учесници во Јуниор лигата.
Академија 1 беше убедлива во дуелот со екипата на Опш. Кисела Вода 2, совладувајќи ги со убедливи 11:1. По првото полувреме резултатот гласеше 0:5, а интересно е што последниот погодок на мечот беше дело на Опш. Кисела Вода, но само за почесен погодок на овој натпревар.
Академија 2 пак успеа да забележи триумф во мечот со екипата на Опш. Кисела Вода 1. Во натпревар со мал број на постигнати голови, на крајот поуспешно се снајде тимот на Академија 2 славејќи со резултат 3:0.
Нова победа за Академиите, овој пат Академија 3 беше подобра од екипата на Ѓорче Петров. Конечниот резултат на овој меч гласеше 7:1 во корист на Академија 3, која беше многу подобра екипата на теренот.
Екипата на Академија 2 одигра уште еден натпревар и тоа со тимот на Опш. Кисела Вода 2. Минимална победа на крајот за Академија 2 со резултат 2:1. По првото полувреме беше израмнет 1:1.
Екипите на Академија 1 и Ѓорче Петров пак ги поделија бодовите, играјќи со нерешен резулат 4:4. По првото полувреме. По првото полувреме Ѓорче имаше водство од 2:1.
Втора победа во ова коло забележа екипата на Академија 3, која на крајот излезе како победник во дуелот со Опш. Кисела Вода 1. На полувреме резултатот беше 0:2. На стартот од вториот дел Кисела Вода намали на 1:2, но тоа беше единствениот гол за нив на овој меч. Конечниот резултат гласеше 1:5.
