Талески е следниот кој ќе го продолжи договорот со Вардар!

РК Вардар полека но сигурно го составува играчкиот ростер за идната натпреварувачка сезона. Откако вчера објавивме дека Куни Моралес останува дел од Вардар и идната сезона, денеска објавуваме дека следен на таа листа е одличниот бек шутер и репрезентативец на Македонија, Филип Талески.

Талески во својот договор имаше опција ,,плус една”, па така таа опција сега ќе се активира и Талески ќе остане да тресе мрежи во ,,црвено – црниот” табор и во новата сезона.

Талески игра маестрално оваа сезона во Вардар и можеби е играч на сезоната во дресот на двократниот шампион на Македонија. Го донесе Купот во Скопје во неделата, а има и огромна заслуга што Вардар (ќе) го одбрани и домашниот пехар.

Вардар досега се засили со средниот бек Божо Анѓелиќ, десниот бек Нејц Цехте, како и левиот бек Жилберто Дуарте. Пред промоција е кружниот напаѓач Павел Андреев.