Vardar Fans
Тимот на РК Вардар е освојувач на второто издание на турнирот „Свислион“ кој изминативе три дена се одржуваше во Требиње. Во големото финале, црвено-црните ја совладаа екипата на Металопластика.
Заслужена победа за вардарци, со оглед дека имаа водство во текот на целиот натпревар, само во еден момент екипата од Шабац имаше предност од 12:13. Сепак до крајот на првото полувреме, направивме пресврт и на одмор заминавме со позитива од 17:14. Иван Чупиќ беше наш најефикасен играч по првите 30 минути, постигнувајќи 6 голови. По 2 погодоци имаа Горбок, Дисингер, Кристопанс и Горпишин.
Во второто полувреме стигнавме и до највисоки шест голови предност, период и во кој ја направиме потребната разлика, за мирен тек на мечот. До крајот немаше резултатска неизвесност, Вардар славеше со резултат 32:28. За најдобар стрелец и МВП е прогласен Тимур Дибиров.
ВАРДАР: Кукуловски, Димитриоски, Гашовски, Криштопанс 6, Пелко 1, Дисингер 2, Атман 1, Скубе 3, Чупиќ 6, Калифа, Дибиров 3, Горпишин 3, Горбок 4.
Ова е прв трофеј и за Давид Писонеро, како нов предводник на Европскиот Шампион. Упте еден ден остануваме во Требиње, а потоа се враќаме во Скопје, каде ќе продолжиме со подготовки за следниот предизвик кој не очекува, тоа е настапот на Супер Глоуб Купот.
