Vardar Fans
На вториот натпреварувачки ден на стартот од пролетниот дел во ракометната „Јуниор Лига“ беа одиграни вкупно пет натпревари.
Во женска конкуренција кај генерацијата родени 2006/07 на програмата беа два натпревари. Во првиот се сретнаа екипите на Будимир и Ново Лисиче. Поуспешна беше екипата на Будимир која славеше со резултат 11:5. Во текот на целиот меч, екипата на Будимир беше во предност, уште на стартот поведоа со 4:0 и се одлепија од екипата на Н.Лисиче. До крајот на првиот дел, Ново Лисиче успеа да намали на 4:2.
До средината на вториот дел, Ново Лисиче одржуваше резултатска рамнотежа, кога резултатот на семафорот беше 6:5. Сепак од тие моменти до крајот на мечот, Будимир направи серија од 5:0 и на крајот триумфираше со резултат 11:5.
На вториот дуел кај оваа генерација победа издвојуваше тимот на Кале од Кичево кој го совлада тимот на Драчево со резултат 11:9.
Два натпревари се одиграа и во машкиот дел кај генерацијата родени 2008/09 година.
На првиот меч се сретнаа екипите на Шампион и Бисинов, дуел кој заврши со нерешен резултат (5:5). Шампион беше тимот кој го отвори резултатот, но следеше серија за екипата од Велес од 0:4, за солидна предност на Бисинов од 1:4. Сепак како одминуваше мечот се топеше предноста на Бисинов. Намали екипата од Скопје на 3:4, па врати Бисинов за 3:5. До крајот на мечот подобро се снајде екипата на Шампион, која постигна два гола во серија, за конечни 5:5 на овој меч.
Интересен натпревар одиграа и екипите на Ангели од Скопје и Седмерец од Охрид, дуел кој минимално им припадна на охриѓани. Во најголем дел од првото полувреме се играше гол за гол, а Седмерец беше тимот кој прв поведе со два гола разлика (3:5). До крајот на првиот дел, екипата на Ангели постигна гол и намали на 4:5.
Во второто полувреме гледавме игра гол за гол на двете страни, се играше доста израмнето. Сепак екипата на Седмерец беше таа која не го даваше водството, повторно поведе со 6:8, што беше решавачки за победата. На крајот триумф за Седмерец со резултат 8:9.
Еден натпревар се одигра и во генерацијата 2006/07, но во машкиот дел. Екипата на Бисинов од Велес славеше во дуелот со екипата на Ангели од Скопје, со конечен резултат од 8:15. Екипата на Бисинов го отвори мечот со предност од 0:2, но бргу врати екипата на Ангели кога израмни на 2:2. Повторно го врати водството Бисинов (2:4), кое не дозволи да го испушти до крајот на натпреварот. Ангели не се предаваа, намалија на само еден гол негатива (5:6), но следеше серија за тимот од Велес од три голови во серија, со кои зголемија на 5:9. Супериорен беше тимот на Бисинов во последните седум минути од мечот, кога го зголемуваше водството и на крајот славеше убедливо со резултат 8:15.
