На пет терени во земјава, викендов се одиграа натпреварите од четвртфиналето во женска конкуренција во Купот на Македонија. Очекувано фаворитите, топ-3 тимовите од лигата остварија лесни и двоцифрени победи над своите ривали. Веќе се познати три патници на завршниот турнир, каде пласман го обезбедија: Вардар, Металург и Куманово. Четвртиот патник ќе биде познат по одигрувањето на дополнителниот дуел помеѓу Пелистер и Стружанка. Девојките на Симовски и Царчев ја имаат “тежината“ да го бранат Куп-пехарот од лани, тие умешно ја минаа првата пречка.
Металург обезбеди 1/2-финале со висока победа 13-60 во Свети Николе кај тимот на Овче Поле. Куманово дома лесно го совлада ЦЕМС со 46-12. Во дополнителниот меч ќе игра Пелистер кој беше поуспешен од Спартак, и Стружанка која исто така дома победи, тие ја совладаа екипата на Деспина.
Нашиот, Вардар гостуваше во Гевгелија, дуелот започна рамноправно, беше 6-6 потоа ние се одлепивме и на одмор заминавме со пет гола предност, 10-15. Во вториот дел ја валоризиравме предноста во квалитет и триумфиравме со 12.гола предност, победата дојде со резултат 18-30. На оваа средба голманот С.Грујовска имаше 9 одбрани, што ја истакна како поединец број еден. Четири вардарки мечот го завршија со “број 5“ зад своето име, Б.Диневска и М.Петковска погодија по пет пати, а пак Ј.Трајкоска и А.Илиќ имаа по пет интервенции.
РЕЗУЛТАТИ 1/4-ФИНАЛЕ КУП(ж):
- ГЕВГЕЛИЈА – ЖРК ВАРДАР 18-30
- ОВЧЕ ПОЛЕ – МЕТАЛУРГ 13-60
- КУМАНОВО – ЦЕМС 46-12
- СТРУЖАНКА – ДЕСПИНА 29-18
- ПЕЛИСТЕР – СПАРТАК 27-23
Куп на РМ пласирани екипи во полуфиналето:
-Металург
-ВАРДАР
-Куманово
-Пелистер/Стружанка
НАПОМЕНА: Новиот Куп-шампион на земјава ќе го дознаеме по завршниот Ф-4 турнир кој е предвиден да се игра во периодот од 17 до 19 мај.